சாத்தானின் அகராதி (கவிதை)

நண்பனின் அழகான மனைவி..

காதலுக்கு முன்னும் பின்னும் காதலி..

அறியா வயதில்
சிறு சீண்டல்களுக்கு ஒத்துக் கொள்ளும்
உடன்படிக்கும் மாணவி..

அறிந்தும் தப்பு செய்யத் தூண்டும்
அடுத்தவீட்டானின் துணைவி..

ஜாடைமாடையாய் பேசும்
சகோதரியின் சினேகிதிகள்..
அடிக்கடி சிந்திக்க நேர்ந்து
அவ்வப்போது வார்த்தைகள் பேசி
பிரிந்து சென்றுவிடும் பிரயாணிப்பெண்..

இரட்டையர்த்த பேச்சுக்கும்
இங்கொன்றும் அங்கொன்றுமாய் உரசலுக்கும்
அனுமதிக்கும் அலுவலக பணிப்பெண்..

மனைவியாகாமல் போன
மற்ற பெண்கள்..

இவர்களுக்கெல்லாம் இன்னொரு பெயர் வைத்தால்
தோழி



.